وش فيك يالغالي

وشفيك يالغالـي علامـك تغيـرت
وأول تشرف بالمساييـر كـل يـوم

لك فـزةٍ لاجيـت يمـي ونـورت
ولك الغلا بالصدر ثابـت ومرسـوم

طال الغياب ومـن فراقـك تحيـرت
لااحد يجيب اخبار ولا يأخذ علـوم

قال : أدري اني بالوفاء ليك قصرت
وانا على شوفـك مولـع ومهمـوم

خايف اليا من جيت عاني وسيـرت
تحشنـا العـذال بالهـرج واللـوم

تبـي الحقيقه..راقبونـي وتذيـرت
ناس بها الإحساس خالـي ومعـدوم

ومن جورهم ياروح روحي..تحسرت
خلوا حياتـي يالغـلا هـم وغمـوم

ومن شأنهم خارت قواي وتخيـرت
اصـد لـو بالصـد تذكـاة بلعـوم

بس المحبه باقيـة ويـن ماصـرت
لك الوفاء والحـب ياعزوتـي دوم